МДХ-ны бүртгэл, тэмцээний дүн

Улаанбаатар уулын дугуйн клуб нь Монголын дугуйн холбооны гишүүн байгууллага мөн.

Монголын дугуйн холбооны лиценз авах

Монголын дугуйн холбооноос зохиох тэмцээн, уралдаанд оролцох лицензийг тус холбооны дүрмийн дагуу унадаг дугуйн аль нэг клубээр дамжуулан авах ёстой бөгөөд

клубийн гишүүд
хувь хүмүүс

сайн дурын үндсэн дээр клубээр дамжуулан уг лицензийг авах боломжтой.

Аль тэмцээн уралдаанд оролцохоо өөрөө сонгоно.
Бусдын төлөө хувийн амжилтаа золиослохыг шаардахгүй.
Хувийн амжилтыг нийтлэх тусгай веб хуудас ажиллана.

Монголын дугуйн холбоо (МДХ)-ны лиценз авахын тулд дараах дөрвөн алхамт үйлдлийг гүйцэтгэнэ. Түүнчлэн эдгээр үйлдлийг гүйцэтгэхийн тулд тус веб сайт дээр хувийн хэрэг нээж улмаар нэвтрэн орсон байх шаардлагатай.

МДХ-ноос лиценз авах тамирчин нь МДХ-ны дүрмийн дагуу унадаг дугуйн аль нэг клубтэй гэрээ байгуулсан байх ёстой бөгөөд Улаанбаатар уулын дугуйн клуб нь энэхүү гэрээг цахимаар байгуулдаг.

МДХ нь лиценз авах тамирчны регистрийн дугаар, төрсөн огноо, утасны дугаар, гэрийн хаяг, цээж зураг зэрэг хувийн мэдээллийг шаарддаг.

Таны төлсөн мөнгө эцэстээ МДХ-ны данс руу дамжин орно. Төлбөр нь дараах хоёр хэсгээс бүтнэ.

Лицензийн төлбөр 50 мянган төгрөг
Үүнийг лиценз авах тамирчин нэг бүр төлдөг.
Гишүүнчлэлийн татвар 300 мянган төгрөг
Үүнийг лиценз авах тамирчид болон клубийн дэмжигч гишүүд хуваан төлдөг. Төлбөрийн энэ хэсгийг тухай бүрт тайлагнан тус веб хуудас дээр ил тод нийтэлнэ.

Дээрх гурван алхамт үйлдлийг гүйцэтгэсэн бол зохих товчлуур дарж лиценз авах хүсэлтээ мэдүүлнэ үү.

Клубийн баг, тамирчдыг дэмжих

Монголын дугуйн холбоо нь гишүүн байгууллагуудаас жил бүр гишүүнчлэлийн татвар ^{(300 мянган төгрөг, энэ онд)} хураадаг бөгөөд та үүнийг бусад дэмжигчидтэй хамтран төлөлцөхөд хандив өгч клубийн баг, тамирчдад дэмжлэг үзүүлэн унадаг дугуйн спортын хөгжилд хувь нэмрээ оруулж болно.

Дэмжигч гишүүдийн хандивыг Монголын дугуйн холбоонд хураалгах татвар төлөхөд л зарцуулна.
Дэмжигч гишүүдийн хандивыг тухай бүрт нь тайлагнан клубийн веб сайт дээр ил тод нийтэлнэ.

Дэмжигч гишүүд

Дараах нэр бүхий гишүүд Монголын дугуйн холбоонд хураалгах 2025 оны татварыг төлөхөд хувь нэмрээ оруулан клубийнхээ баг, тамирчдад дэмжлэг үзүүлэн унадаг дугуйн спортын хөгжилд хувь нэмрээ оруулсан болно.

1