Улаанбаатар уулын дугуйн клубийн аялал

Өдрийн аялал #58 - НУРАМТЫН ДАВАА БУЮУ АВТОМАШИНГҮЙ ӨДӨР

Веб хуудасны каноник хаяг

https://ubmbc.com/biking/85

Аяллын төрөл

Өдрийн аялал

Багийн хуваарилалт

Нэг баг

Замын урт

78 км

Давааны тоо

Өндөр авалт

826 м

Өндөр алдалт

-823 м

Их өгсөлт

17.2 %

Их уруудалт

-17.9 %

Оролцогчдын тоо

Эхлэх цаг

2018 оны 5 сарын 19 Бямба гараг, 8:00 Улаанбаатарын цагаар

Цуглах цэг

Шархадны автобусны эцсийн буудал

Цуглах цэгийн солбицол

47.934472, 107.005889
47°56'4.1"N, 107°0'21.2"E

Маршрут

Шархад- Улиастай гол- Хойд Баян гол- Нурамтын даваа- Шар хоолой- Гацуурт- УБ

Мэдрэмж, хандлага

Надад өөр мэдрэмж, хандлага төрүүлж болно.

Сорилт

Намайг бие болон сэтгэлийн сорилт хүлээнэ.

Тэсвэр, тэвчээр

Би замд дураараа амрахгүй, зогсохгүй.

Эрсдэл

Надад ямар ч эрсдэл учирч болно.

Хувийн шийдвэр

Оролцох шийдвэрийг би өөрөө л гаргасан.

Хариуцлага

Би өөрийгөө хамгаалж, хооллож, тээвэрлэнэ.

Байдаг л үйл

Нэр хүнд олох, бусадтай өрсөлдөх талбар биш.

Жийлтийн эрчим

Бусдын сайн, муу жийх нь надад хүртээлгүй.

Тэгш байдал

Нас, ажил мэргэжил, алдар цуу хамаагүй.

Хамжаарга

Өөрийнхөө тухай ярих нь сонин бус.

Хувийн нууц

Бусдын тухай мэдэх шаардлагагүй.

Дэг журам

Клубийн дүрмийг ёсчлон дагана.

Аяллын тэмдэглэл

Тэнгэр бүрхэг маягтай бүгчим өдөр боллоо. Дэндүү танил Улиастайн голыг өгсөн нийт 7 аялагч яг л цагтаа замд гарлаа. Хойд Баян голын амын хойд дэнжийг барин өгсөж уруудан жийсээр голоо гатлан ширэг бүхий зөөлөн хөрстэй бүдэг замаар мацаж билээ. Нутгийнхан энэ замаар өвөл явдаг бололтой. Давааны дор салдаг зам дээр ирж түр амсхийгээд дээш өгслөө.

Шилмүүст модны олон жилийн хуримтлал бүхий зам памбалзсан зөөлөн бас тэгээд ирмэг бүхий эвгүй хад ургаа чулуутай тул жийх боломжгүй байлаа. Өгсүүр нь баримжаагаар 5-7 градусын налуутай байв. Огцом өгсүүр нь 10 градус хавьцаа байлаа. Ойн замаар санаа нэгдэн шаргуухан түрсээр Нурамтын даваа дээр гарч 13.00 цагт үдийн хоолоо идлээ.

Даваа уруудан жирийтэл өнхөрсөөр Гацуурт сууринд 14.10 цагт ирэв. Хамтдаа cola-даж гишүүн Ш.Батыг Тэрэлжийн зүг гаргаж өгөөд, 14.30 цагт хот руу хөдлөв. 25 км цагын хурд барьж жийсээр Амгалан улмаар дугуйн парад эхлэх газар нөхөд дээрээ ирж аялал амжилттай дуусав. Аяллын зай 78 км.

Группийн хамт олонтойгоо, мөн маш олон сонирхол нэгт "нөхөд"-тэй УБ хотын бага тойрогоор хамтдаа жийхэд сайхан мэдрэмж төрж байсан.

Аяллын зурагчинаар ногоон тэмдэгтэй гишүүн Ш.Бат (086) "ажилласан" болно. Бидэнтай хамт анхны аяллаа амжилттай дуусгасан Э.Давааүрэн (173) гишүүнд баяр хүргье. Өдрийн аяллаа ч хийгээд, унадаг дугуйн парад-ндаа оролцсон сайхан өдөр боллоо.