Өдрийн аялал #41 - ГҮНТ, ГУРАВЫН ДАВАА, НАМРЫН НЭЭЛТ 2017 ОН

Мэдрэмж, хандлага

Надад өөр мэдрэмж, хандлага төрүүлж болно.

Сорилт

Намайг бие болон сэтгэлийн сорилт хүлээнэ.

Тэсвэр, тэвчээр

Би замд дураараа амрахгүй, зогсохгүй.

Эрсдэл

Надад ямар ч эрсдэл учирч болно.

Хувийн шийдвэр

Оролцох шийдвэрийг би өөрөө л гаргасан.

Хариуцлага

Би өөрийгөө хамгаалж, хооллож, тээвэрлэнэ.

Байдаг л үйл

Нэр хүнд олох, бусадтай өрсөлдөх талбар биш.

Жийлтийн эрчим

Бусдын сайн, муу жийх нь надад хүртээлгүй.

Тэгш байдал

Нас, ажил мэргэжил, алдар цуу хамаагүй.

Хамжаарга

Өөрийнхөө тухай ярих нь сонин бус.

Хувийн нууц

Бусдын тухай мэдэх шаардлагагүй.

Дэг журам

Клубийн дүрмийг ёсчлон дагана.

Аяллын тэмдэглэл

Группийн хамт олон, аялагч гишүүд намрын нээлтийн аялалдаа идэвхитэй оролцлоо. Өглөө товлосон газраа цуглаад 7.30 цагт хойд чиглэлд хамтын хүчээр жийлээ. Манай баг 23 хүнтэй.

Гүнтийн даваа дээр 9.00 цагт гараад доош уруудах үед багийн нэг гишүүн маань тэнцвэр алдан онхолдон унаж тоогүй юм боллоо. Анхны тусламж үзүүлсэний дараа замын унаанд суулган хот руу гарган өгөөд, аялал цааш үргэлжлэв.

Салхи өөдөөс байсан боловч бид хамтдаа жийсээр Батсүмбэрийн засмал зам хүрч, улмаар Гуравын даваа руу өгсөн шороон замаар жийлээ.

Аяллын зам нь уулын дугуйнд маш тохиромжтой байв. Даваа дээр гарч дурсгалын зураг татуулан цааш уруудан Нарийний голын хөндийг өгсөн аялсаар, өдрийн хоол бэлдсэн айлд 12.30 цагт ирлээ.

Өдрийн хоол хуйхалж чанасан хонины мах, будаатай шөл, сүүтэй цай байлаа. Хоолны дараа энэ зун зохиогдсон олон хоногийн аяллын мэдээлэл, сургамжийн талаар гишүүн Э.Уянга (074), У.Одбаяр (055), С.Батсуурь (063), Э.Ожго (837) нар товч илтгэл тавьж, удахгүй болох 88 км-ийн аялалд манай групп-ээсс оролцох багийн ахлагч нарыг томилсон болно.

Өдрийн 15.00 цагаас УБ хотын зүг ирсэн замаараа буцаж, хотын төвд 19.50 цагт ирж намрын нээлтийн аялал амжилттай болж дууслаа. Аяллын нийт зай- 114 км.

Бидний өдрийн хоолыг бэлдэж, нээлтийн аяллыг дэмжсэн гэрийн эзэн Пүрэвдорж болон гэргийд нь бүх гишүүдийн өмнөөс баярласан талархаснаа хүргэхийг хүсэж байна.

Зураг 7. Уянгын араас урагшаа ... Маш алдартай зураг.

Шинээр аялагч гишүүн болсон Э.Батлам (103), Э.Хурц (104), Б.Алтан оргил (105), Г.Батбаяр (074) нар болон нээлтийн аялал зохион байгуулахад гүн туслалцаа үзүүлсэн Т.Баярсайхан (038), аяллын явцыг фото зураг, дүрс бичлэгт мөнхөлсөн Ч.Мажигсүрэн (036), С.Батсуурь (063) багийн хамт олон та нартаа талархал илэрхийлье.

Оролцсон гишүүд

бахархлын тэмдэг
туулсан замын урт
оролцсон аяллын тоо
оролцсон хоногийн аяллын тоо
оролцсон олон хоногийн аяллын тоо
УБ 240/24 марафоныг дуусгасан тоо
Долоон давааны сорилго давсан тоо

Ж.Октябрь Г.Батбаяр Б.Уулзахбаяр Т.Мэндсайхан Э.Хурц Ч.Ганболд С.Батмөнх Privacy Э.Нинждорж Г.Манлай П.Чинболд С.Батсуурь Н.Ууганбаяр Б.Алтан-Оргил С.Энхбаатар Ц.Гантулга Д.Сонинбаяр Э.Уянга Ц.Наранхүү Т.Баярсайхан Ч.Мажигсүрэн У.Одбаяр Э.Ожго