Өдрийн аялал #32 - ХАНДГАЙТ, БАРУУН ГОЛ

Мэдрэмж, хандлага

Надад өөр мэдрэмж, хандлага төрүүлж болно.

Сорилт

Намайг бие болон сэтгэлийн сорилт хүлээнэ.

Тэсвэр, тэвчээр

Би замд дураараа амрахгүй, зогсохгүй.

Эрсдэл

Надад ямар ч эрсдэл учирч болно.

Хувийн шийдвэр

Оролцох шийдвэрийг би өөрөө л гаргасан.

Хариуцлага

Би өөрийгөө хамгаалж, хооллож, тээвэрлэнэ.

Байдаг л үйл

Нэр хүнд олох, бусадтай өрсөлдөх талбар биш.

Жийлтийн эрчим

Бусдын сайн, муу жийх нь надад хүртээлгүй.

Тэгш байдал

Нас, ажил мэргэжил, алдар цуу хамаагүй.

Хамжаарга

Өөрийнхөө тухай ярих нь сонин бус.

Хувийн нууц

Бусдын тухай мэдэх шаардлагагүй.

Дэг журам

Клубийн дүрмийг ёсчлон дагана.

Аяллын тэмдэглэл

Энэ чиглэл урьд нь цаг агаарын нөхцлөөс шалтгаалан 2 удаа хойшлогдож байсан тул группын гишүүдийн "загтнасан газар нь маажсан" аялал болох төлөвтэй байв.

Бидний 21 хүн, 7 буудалд цуглаж 9.31 цагт аялал эхлэв. Хамтын хүчээр салхитай байлдан маш амжилттай жийж, Хандгайтын аманд 11.03 цагт 20 гишүүн ирлээ. Нэг гишүүний дугуй техникийн талаар асуудалтай болж 10 гаруй км жийсний эцэст унаа нь эвдэрч "аяллаас буцлаа". Техникийн эвдрэлээс болж аялалд оролцох боломжгүй анхны тохиолдол болж бүртгэгдлээ. Гишүүний жийлтийг 10 км-ээр тооцсон болно. Манайхан ч сургамж авсан байх.

Зураг 1. Манай баг. Хандгайтын хойд давааны өвөрт

Салхи намжин хаврын ой дундуур зурайх бүдэгдүү замаар өгсөн жийж, түрж явсаар даваа дээр 11.56 цагт гарлаа. Багийн 3 гишүүн жийсээр байгаад даваа дээр гарч аяллын бахархал боллоо. Үдийн хоолоо идэн дурсгалын зураг татуулаад Баруун голын хөндий рүү уруудах цастай, чулуутай, ширэгтэй, бага зэрэг шавартай замаар жийлээ. Толгойн сэргийлэх 2 гишүүн цас руу годройтон унаж "үүргээ биелүүлж" бусдыгаа хамгаалав. Зам нь уулын дугуйнд маш тохиромжтой сонирхолтой байв. Гэхдээ downhill-ээр уруудахад илүү тохирох юм билээ

Зураг 2. Баруун гол уруудсан бартаат замаар

Баруун голын хөндийн эхэнд амраад том чулуу, овон товон, шавартай замаар дэндэгнүүлэн уруудсаар, доошлох тусам зам сайжирсаар, бидний хурд нэмэгдсээр 14.30 цагт Бурхант хошууны харалдаа ирж, Улиастайн амаар уруудав. Гэтэл гэнэт л манай гишүүн А.Тэмүүжин (073) гараад ирэв. Унтаж хоцроод бидний араас жийсэн байна. Явсан замыг нь газрын зургаас харахад Хандгайтын амны мухар амаар өгсөж, замгүй болоод асган дундуур уруудаад Баруун гол руу орсон юм байна.

Тэгээд зогссонгүй Бурхант хошууны нурууг даван Зүүн гол руу ороод замтай нийлэн уруудаад Улиастайн аманд бидэнтэй таарчээ. Маш хүнд зам туулж төөрөөд "ижил"-ээ олсон тул аяллын замыг бүтэн тооцож байна. Аяллын зай 74 км, дундаж хурд 13.1 км/ цаг, өгсөлт 774 м, жийсэн цаг 5 цаг 39 минут 55 секунд. Хэмжилтийг гишүүн У.Одбаяр (055) хийсэн болно.

Улиастайн амаар уруудаж явтал бас л нэг гишүүн Б.Орхон (033) гэнэт л гараад ирлээ. Биднийг угтангаа мэндлээд, Бэлхийн даваа руу өгсөхөөр явж байсан юм билээ. Манай группийнхэн ч хаа сайгүй жийж байгаа нь сайхан санагдав.

Шархадны эцэст 16.58 цагт ирж сонирхолтой нэгэн аялал амжилттай дууслаа. Шинэ гишүүн Г.Энхсайхан (080), Б.Итгэл (081) болон түүх бүтээгч Ч.Мажигсүрэн (036), цоожлогч хамгаалагч Г.Манлай (034), толгойн сэргийлэх Наранбаатар (007), Н.Чингүүн (021), аялалд оролцсон "өнөр бүл"-дээ талархал илэрхийлье. Мартагдашгүй сайхан аялал болсон шүү.

Оролцсон гишүүд

бахархлын тэмдэг
туулсан замын урт
оролцсон аяллын тоо
оролцсон хоногийн аяллын тоо
оролцсон олон хоногийн аяллын тоо
УБ 240/24 аяллыг амжилттай дуусгасан тоо
Долоон давааны сорилго давсан тоо

Э.Батуух Б.Итгэл Г.Энхсайхан Т.Зоригоо Н.Наранбаатар Ж.Дэлгэрбаяр П.Рагчаабазар Ж.Нанзаддорж Г.Цэрэндорж Н.Чингүнжав Ч.Ганболд Г.Манлай А.Тэмүүжин Н.Ууганбаяр Д.Ганбат А.Эрдэнэдулам Э.Уянга Ц.Наранхүү Т.Баярсайхан Ч.Мажигсүрэн У.Одбаяр Э.Ожго