Улаанбаатар уулын дугуйн клубийн аялал

Аяллын тэмдэглэл

Манай группийн 16 аялагч гишүүн товлосон газар тогтсон цагтаа цуглан, баталгаа бичигт гарын үсгээ зураад, аяллын замдаа 9.10 цагт 7 буудлаас гарлаа. Энэ аяллын онцлог нь зөвхөн засмал замаар жийх байлаа.

Нийт 4 уралдааны дугуй, 12 уулын дугуйтай жирийтэл жийсээр:
9.50 цагт Жигжид зуслан,
10.20 цагт Гүнтийн даваа,
11.20 цагт Жаргалант (хуучнаар Партизан) суурин,
12.20 цагт 361 гарам,

13.00- 13.45 цагт үдийн хоолоо идэж,
14.15 цагт Эмээлт,
15.10 цагт хуучин 22-ын товчоо хүрч,
15.40 цагт Сонсголонгийн уулзвар дээр аяллаа амжилттай дуусгаад гэр гэрийн зүг сүнгэнүүлэн жийгээд тарлаа. Хотын төвд 16.00 цагт ирсэн болно. Нэг гишүүн маань "хувийн ажлаар" 10 км дөт замаар жийгээд, 22-ын товчоо дээр бидэнтэй эргэн нийлсэн билээ. Аяллын зай 108 км.

Төлөвлөсөн цагаасаа 2 цагийн өмнө аялал дуусжээ. Дундаж хурд 21.2 км/ цаг байлаа. Гишүүн Ж.Нанзадорж (072)-ийн сааршгүй хурд, Н.Ганболд (052)-ын нуграшгүй тэвчээр, У.Одбаяр (055)-ын няцашгүй зүтгэл, Э.Уянга (074)-ын гайхалтай зөв техник, Г.Манлай (034)-гийн тусч сэтгэлийн түрэлт, Т.Баярсайхан (038)-ы никель дугуй гээд дурсах бахархах зүйл ихтэй нэгэн аялал ийнхүү түүх боллоо.

Багийн аяллын явцад цоожлогч Г.Манлай (034), кино продюсер С.Батсуурь (063), гэрэл зурагчин Ч.Мажигсүрэн (036) нар "завгүй" ажиллаж байлаа. Өнөөдрийн байдлаар гишүүн Н.Ууганбаяр (022) яг 700 км, гишүүн С.Батмөнх (037) яг 600 км жийжээ. Хаврын дулаахан өдөр гайхалтай аялал бүтээсэн багийн гишүүдэдээ талархал илэрхийлье. Та нартаа баярлалаа. Дараагийн аялал уулын замд зохиогдоно.

Оролцсон гишүүд

• бахархлын тэмдэг
• туулсан замын урт
• оролцсон аяллын тоо
• оролцсон хоногийн аяллын тоо
• оролцсон олон хоногийн аяллын тоо
• УБ 240/24 аяллыг амжилттай дуусгасан тоо
• Долоон давааны сорилго давсан тоо