Улаанбаатар уулын дугуйн клубийн аялал

Өдрийн аялал #24 - МОРИНГИЙН ДАВАА

Веб хуудасны каноник хаяг

https://ubmbc.com/biking/36

Аяллын төрөл

Өдрийн аялал

Багийн хуваарилалт

Нэг баг

Замын урт

34 км

Давааны тоо

Өндөр авалт

316 м

Өндөр алдалт

-316 м

Их өгсөлт

8 %

Их уруудалт

-7.1 %

Оролцогчдын тоо

Эхлэх цаг

2017 оны 2 сарын 25 Бямба гараг, 10:00 Улаанбаатарын цагаар

Цуглах цэг

Буянт Ухаа спорт цогцолбор

Цуглах цэгийн солбицол

47.854861, 106.787556
47°51'17.5"N, 106°47'15.2"E

Маршрут

Буянт ухаа- Амгалан хотхон- Өлзийт- Сонгино- Морингийн даваа- Буянт Ухаа

Аяллын талаарх нэмэлт мэдээлэл

Группийн түүх: 2017 оны II сарын тайлан (зураг 4)

Мэдрэмж, хандлага

Надад өөр мэдрэмж, хандлага төрүүлж болно.

Сорилт

Намайг бие болон сэтгэлийн сорилт хүлээнэ.

Тэсвэр, тэвчээр

Би замд дураараа амрахгүй, зогсохгүй.

Эрсдэл

Надад ямар ч эрсдэл учирч болно.

Хувийн шийдвэр

Оролцох шийдвэрийг би өөрөө л гаргасан.

Хариуцлага

Би өөрийгөө хамгаалж, хооллож, тээвэрлэнэ.

Байдаг л үйл

Нэр хүнд олох, бусадтай өрсөлдөх талбар биш.

Жийлтийн эрчим

Бусдын сайн, муу жийх нь надад хүртээлгүй.

Тэгш байдал

Нас, ажил мэргэжил, алдар цуу хамаагүй.

Хамжаарга

Өөрийнхөө тухай ярих нь сонин бус.

Хувийн нууц

Бусдын тухай мэдэх шаардлагагүй.

Дэг журам

Клубийн дүрмийг ёсчлон дагана.

Аяллын тэмдэглэл

Хаврын улирал хаяанд иржээ. Цэлмэг тэнгэр, төөнөх нар, сэвшээ салхи, дулаахан агаарт группийн 7 гишүүн сайхан жийлээ.

Зураг 1. Буянт Ухаа Спорт цогцолборын зүүн талын автомашины зогсоол. Цуглах цэг

Аялал 10.20 цагт эхлэв. Гишүүн Баярсайхан (038) бас л бидний араас хөөж, Амгалан хотхон хүрээгүй явахад л "араас бариад" авсан.

Гишүүн Манлай (034) уралдааны дугуйтай ирсэн тул арай тойруу (Айдасын даваагаар) засмал замаар, бид уулын дугуйтай Амгалан хотхоны хойд талаар уулын бэл барин жийж Өлзийт хороололд дахин уулзлаа. Өнгөрсөн жилийн энэ чиглэлийн аяллаар зогсож байгаа зураг авсан нь ямар ч агуулага үгүй "сонин харагдаад", цаашид заавал ундаг дугуйтайгаа зургаа авахуулж байя гэсэн уламжлал "төрсөн" билээ. Морингийн даваа дээр 13.00 цагт дурсгалын зураг татуулаад, 14.00 цагт аялал амжилттай дуусав. Аяллын зай 34 км.