Өдрийн аялал #181 - ЗҮҮН АЦЫН ДАВАА

Мэдрэмж, хандлага

Надад өөр мэдрэмж, хандлага төрүүлж болно.

Сорилт

Намайг бие болон сэтгэлийн сорилт хүлээнэ.

Тэсвэр, тэвчээр

Би замд дураараа амрахгүй, зогсохгүй.

Эрсдэл

Надад ямар ч эрсдэл учирч болно.

Хувийн шийдвэр

Оролцох шийдвэрийг би өөрөө л гаргасан.

Хариуцлага

Би өөрийгөө хамгаалж, хооллож, тээвэрлэнэ.

Байдаг л үйл

Нэр хүнд олох, бусадтай өрсөлдөх талбар биш.

Жийлтийн эрчим

Бусдын сайн, муу жийх нь надад хүртээлгүй.

Тэгш байдал

Нас, ажил мэргэжил, алдар цуу хамаагүй.

Хамжаарга

Өөрийнхөө тухай ярих нь сонин бус.

Хувийн нууц

Бусдын тухай мэдэх шаардлагагүй.

Дэг журам

Клубийн дүрмийг ёсчлон дагана.

Аяллын тэмдэглэл

Хаврын улирлын хүйтэн салхи сөрөн жийсэн аяллын энгийн нэгэн өглөө эхэллээ. Өнөөдрийн аялал хангайгаа бараадсан зай багатай аялал ч гэсэн чамбайхан бэлдэж дулаан хувцаслан гарсан нь оносон шүү. Өглөө 7 цагт агаарын температур -3 градус байсан.

Эхний гишүүн цуглах цэг дээр 8.10 цагт ирлээ. Хамтдаа ярилцан суутал ар араасаа гишүүд цувран салхины хүч, хүйтэн жаврын байдлыг шогшин "ховолсоор" орж ирлээ. Хавар үнэхээр таашгүй эвгүй улирал. Аялагч хүнээс хоёр янзын бээлий, өмд, цамц бас бус зүйл шаарддаг улирал.

Яг цагтаа хөдлөв. Хоёрын цуваанд орж жигд хурдаар жийсээр Майхан толгой руу салан таталгүй өгслөө. Гол мөсөн баринтагт баригдан урсгал нь гүүрийн хажуугаар хальж машин зам дээгүүр хэсэгхэн газраар урсаж байв. Манайхан жийгээд гарлаа. Энэ жил цас багатай байсныг илтгэн зам хуурай байв. Майхан толгойн зүүн хойд давааны энгэрт хальтхан татаад бидний нэрлэж заншсан Дугуйчдын даваа дээр 9.40 цагт гарч арын гишүүдээ хүлээв. Хоёр гишүүн эндээс хотод ажилтай тул дасгалаа хийчихээд буцлаа.

Даваа уруудах зам ч хуурай байв. Зүүн ацын даваа хүрч модоор хүрээлэгдсэн нарлаг энгэрийн хуурай хөрсөн дээр суун цайлав. Салхи үгүй хар мод, нарс, хуш бүхий шилмүүст ойн өтгөн хүрээлэл энд оршдог. Шилмүүст моддын ялгаа онцлогын тухай манай залуу гишүүн бидэнд тайлбарлан ярьж билээ. Энэ ойн цоорхойд байгаад л баймаар тун тохьтой орчинд бид уусан өнгөрсөн болоод өнөөдрийн аяллын талаар ярилцан, өдийд Духын давааны зам хуурай байгаа гэдэг дээр бүгд санал нийлэв. Анхны аялалдаа амжилттай оролцсон шинэ гишүүндээ баяр хүргэв.

Тавтайхан цайлж аваад ирсэн замаараа сүнгэнэтэл жийгээд засмал зам хүрч татлаа. Бөөндөө Жигжид улмаар УБ хот хүртэл салхинд туугдан бахтайхан жийсээр 12.30 цагт ирж, гэр гэрийн зүг баяртайгаар салан одов. Ийнхүү хаврын нэгэн сайхан амралтын өдөр зохиогдсон өдрийн аялал амжилттай дууслаа. Зүгээр л жий.

Оролцсон гишүүд

бахархлын тэмдэг
туулсан замын урт
оролцсон аяллын тоо
оролцсон хоногийн аяллын тоо
оролцсон олон хоногийн аяллын тоо
УБ 240/24 марафоныг дуусгасан тоо
Долоон давааны сорилго давсан тоо

Н.Шижирбаатар Б.Нармандах Ц.Золжаргал С.Содбилэг С.Бөхбат Т.Энхтөр Б.Алтантулга С.Лувсан Д.Ганболд С.Отгонбаатар Ш.Мөнгөнсүх Д.Цолмон Г.Махгал П.Золзаяа Э.Ожго