Аяллын тэмдэглэл
6 сарын 15, Бямба гариг
Зуны сар дундаа орж, дулаахан халуухан өдрүүд үргэлжлэх цагаар ээлжит хоногийн аяллын 14 гишүүн аялал эхлэх цэгт цуглан 9.03 цаг хөдөллөө. Бидэнтэй хамт Өдрийн аяллын 7 гишүүн, фото зурагчин Мажигаа гишүүн, хуучны хашир Баярсайхан, Ганболд нар нэгдэв.
Зураг 1. Манай баг. Сэлбийн эх Өдрийн болон Хоногийн аяллын багынхан нэг цэг дээр цуглан хамтдаа тодорхой зай туулан, төлөвлөсөн цэгээс зам салан, тус тусын аяллын замд гардаг уламжлал бидэнд байдаг юм. Сэлбийн эх хүртэл биднийг гарган өгөөд нэг гишүүн буцлаа.
Зураг 2. Нуурын далан дээгүүрХиймэл нуураа тойрч өвстэйхэн, шавартайхан замаар өгссөөр Харгана хүрэв. Энэ чиглэлд жилийн өмнөөс хаалт тавьж автомашин зорчихыг хориглон зам хаасан юм. Харгана гэдэг автомашинаар Үдлэг суурингаар дамжин уулын замаар даваж уруудан УБ хот руу хойд талаас нь ордог хамгийн дөт боловч шавар ус элбэг "хулгайн" зам байсан. Харин сүүлийн үед энэ чиглэлийг ийнхүү хааж иргэдийг амарч зугаалах бүс болгон хөгжүүлж байгаа нь юутай сайхан. Цаашид бүр ч тохилог болно доо. Эдгэж буй өндөр өвстэй хаягдсан замаар явах нь унадаг дугуйнд тааруу нөлөөлж байсан.
Зураг 3. Харгана руу, цаана нуурын мандал цайрна
Зураг 4. Харгана руу, шавартай замаар түрж өгсөнө
Зураг 5. Эдгэж буй автомашины замаарХаргана давж уруудан Үдлэг суурингийн бараа харагдах уулын бэлийн ойн захад бид өдрийн хоолоо хийж идэв. Хоёр төрлийн аяллын хан Үдлэг суурингийн дэлгүүрийн гаднаас салж, сайны ерөөл өргөн үдлээ. Манай баг суурингаас гарч уулын бэл, ногооны талбайн дундах замаар өгсөн уруудан явсаар Баян голын амны эхэн дээр ирлээ. Зугаалж аялаж яваа автомашинтай хүмүүс голын эрэг хөвөөгөөр элбэг харагдана.
Зураг 6. Аяллын ернхий төрх ийм л байлаа
Зураг 7. Харгана даваад уруудах замд
Зураг 8. Жалга судагтай замаар
Зураг 9. Уулын ам уруудах замдБаян голын урд татам дагасан замаар өгсөн жийсээр хуучин Барилгачдын амралт гэж нэрлэж асан томхон барилын хойгуур салж модон жижиг гүүрээр гол гарав. Энд олон хүн бужигнан овоо тахиж, наадам хийж байсан. Халуун өдөр байлаа. Гол дээр сэрүүцэж амарч энэ амын сүүлийн айлаас дээшлэн голын хойд талын дэнжийн замаар өгсөв. Тэр нэгэн жил отоглож байсан жижиг тохой өнгөрөн Хүрхэрээ голын баруун талд байрлах жижиг овоо бүхий довцог дээр манай баг отоглов. Цаг харьцангуй эрт 15 цаг болж байв.
Зураг 10. Шар цэцэгтэй уулын ам
Зураг 11. Өдрийн хоолны цагаарМайхандаа тойруулан барьж салхи сэвэлзэх сэрүүхэн толгой дээр шумуул ялаа нэн ховор байхгүйтэй адил тул майхандаа нэвт салхилуулах тавтай амарлаа. Хажуу тал шүд хага ташам хүйтэн, рашаан мэт тунгалаг устай Хүрхэрээ гол урсан, тэрүүхэн дор Баян голд цутгаж байв.
Зураг 12. Отогын үдэш
Зураг 13. Манай отог. Нар хүүшлэх цагаарЗалуус гол дээр тоглож, аяллын тухай дуусашгүй яриа үргэлжлэх үед нар хүүшлэн хажуу уулын хярын араар орж билээ. Оройн хоолоо хийж, бяцхан түүдэг асаан ярилцан суусаар 23 цагт отог амрав. Цэлмэг тэнгэрт одод түгэн гялалзсан дулаахан шөнө болов.
6 сарын 16, Ням гариг
Цэлмэг тэнгэр, хурц наран, сайхан өглөө болов. Өглөөний цайгаа ууж, тогоо хураан 10 цагт хөдөллөө. Баян голын амаас гарч шууд Үдлэг суурин руу жийлээ. Дэлгүүрийн гаднаас хоёр хуваагдан 5 гишүүн Харганаар, 9 гишүүн өчигдрийн өдрийн аяллын чиглэл буюу Ногоон толгой, Ар Гүнт, Толгойтын даваагаар хот руу явлаа. Халуун өдөр боллоо.
Зураг 14. Өглөө ачаалаад хөдлөвАраас салхитай тул пүн хийсэн халуун агаарт цохиулна. Батсүмбэрийн автомашины замын баруун талаас гүүр доогуур урсан Мандалын голд цутгах Бургалтайн голын ширэг дээр өдрийн хоолоо хийж идлээ. Эндээс шууд жийсээр Ар гүнтийн дэлгүүрийн гадаа татлаа. Ийнхүү бид Толгойтын даваа даваж УБ хотод 17 цагт ирж, энэ удаагийн хоногийн аялал амжилттай дууссан билээ. Зүгээр л жий.
Оролцсон гишүүд
- бахархлын тэмдэг
- туулсан замын урт
- оролцсон аяллын тоо
- оролцсон хоногийн аяллын тоо
- оролцсон олон хоногийн аяллын тоо
- УБ 240/24 аяллыг амжилттай дуусгасан тоо
- Долоон давааны сорилго давсан тоо
Н.Даваасамбуу
Г.Ёндонжамц
Д.Жамъяндорж
Т.Ган-Очир
Ш.Мөнгөнсүх
П.Батмөнх
Б.Баттөмөр
Б.Жавхлантөгс
Б.Батжаргал
С.Мөнхбат
Н.Төгөлдөр
Д.Цолмон
П.Золзаяа
Э.Ожго
Бахархлын тэмдгийн болзол биелүүлсэн гишүүд
Тус аяллын үеэр дараах нэр бүхий гишүүд бахархлын тэмдгийн болзол биелүүлжээ.
Нэр |
Тэмдэг |
Болзол биелүүлсэн байдал |
Г.Ёндонжамц |
Өмнөд хязгаар 4709 км улбар шар тэмдэг |
4734 км |