Улаанбаатар уулын дугуйн клубийн аялал

Өдрийн аялал #165 - Гурван хамар

Веб хуудасны каноник хаяг

https://ubmbc.com/biking/329

Аяллын төрөл

Өдрийн аялал

Багийн хуваарилалт

Нэг баг

Замын урт

68 км

Давааны тоо

Өндөр авалт

650 м

Өндөр алдалт

-648 м

Их өгсөлт

10.6 %

Их уруудалт

-14.7 %

Оролцогчдын тоо

Эхлэх цаг

2024 оны 5 сарын 4 Бямба гараг, 9:00 Улаанбаатарын цагаар

Цуглах цэг

Гацуурт, Монгол шилтгээн

Цуглах цэгийн солбицол

47.924917, 107.140944
47°55'29.7"N, 107°8'27.4"E

Маршрут

Гацуурт - Гүнжийн хоолой - Шар хоолой - Гацуурт

Маршрутын талаарх нэмэлт мэдээлэл

Гүнжийн хоолойгоос Шар хоолой руу орох замд тохиолдох гурван уулыг хамар дээгүүр нь давна. Маршрутын 19 дэх км-ээс 41.5 дахь км хүртэл 22.5 км буюу 1/3 хувь нь шороон зам байна.

Мэдрэмж, хандлага

Надад өөр мэдрэмж, хандлага төрүүлж болно.

Сорилт

Намайг бие болон сэтгэлийн сорилт хүлээнэ.

Тэсвэр, тэвчээр

Би замд дураараа амрахгүй, зогсохгүй.

Эрсдэл

Надад ямар ч эрсдэл учирч болно.

Хувийн шийдвэр

Оролцох шийдвэрийг би өөрөө л гаргасан.

Хариуцлага

Би өөрийгөө хамгаалж, хооллож, тээвэрлэнэ.

Байдаг л үйл

Нэр хүнд олох, бусадтай өрсөлдөх талбар биш.

Жийлтийн эрчим

Бусдын сайн, муу жийх нь надад хүртээлгүй.

Тэгш байдал

Нас, ажил мэргэжил, алдар цуу хамаагүй.

Хамжаарга

Өөрийнхөө тухай ярих нь сонин бус.

Хувийн нууц

Бусдын тухай мэдэх шаардлагагүй.

Дэг журам

Клубийн дүрмийг ёсчлон дагана.

Аяллын тэмдэглэл

Зураг 1. Аялалд оролцогч гишүүд гарааны цэг дээр

УШТГ П.Батмөнх

Цуглах цэг болох Монгол шилтгээний гаднаас аялал товлосон цагтаа хөдлөн Баянтөхөмийн ам залгаад, Гүнжийн хоолойн уужим өгсүүрт 50 орчим дугуйчин өөр өөрсдийн хэмнэлээр жийсээр эхлэв. Сүүлийн хэдэн аялал хаврын шаргал өнгө, хавсрага салхинд жийж байсан болоод ч тэр үү зүлэг ногоорч өнгөө зассан хөндий дундуур өгсөж явахад таатай санагдаж байлаа. Эхний өгсүүрийн доор багийн гишүүдээ татаж, хэсэг амарч аваад хөдөлцгөөв.

Зураг 2. Баянтөхөмийн амын зүүн салаагаар өгсөх замд

Туулах замын урт бага ч гэсэн хөөрхөөн чангаах огцом өгсүүртэй 3 хамар /хяр/ -ын зам аль ч талдаа сул шороо, хатуу хөрс нь ил гарсан амаргүй билээ. Өөр өндөр даваа өөд хөнгөн араатай жигд жийсээр гараад, уруу руу нь жинхэнэ буудаж болдог бол энэ удаад тэгэх боломж тун ховор 3 хамар хоорондын зай ойрхон болохоор ёстой давлаа, өнгийлөө, давлаа өнгийлөө гэсээр л Шар хоолой руу ороод ирэв.

Зураг 4. Бахархалын тэмдгээ гардан авах агшин

Эндээс уруудаад Гацууртын эцэс орж өдрийн хоолоо идэцгээх тул Шар хоолойн шар шороотой үзэлцсээр , гүүрний урд талд Туул голын эрэг дээр багаараа ирцгээв. Аяны гал тогоотой гишүүд бусадтайгаа туршлага солилцох маягаар голын эрэг дээр үдийн хоолоо хийж, кофе чанан, бусад гишүүд маань гэртээ бэлдэж ирсэн хоолоо идэцгээн халуун дулаан яриа өрнүүлэн суух нь энэ өдрийн нэгэн жаргал байлаа.

Гацуурт суурингаас хоёрын цуваагаар жирийтэл жийсээр Дүнжингарав дээр ирсэнээр аялал өндөрлөлөө . Өнөөдөр шинээр анх хамтдаа аялсан гишүүддээ талархал илэрхийлэн , аяллын замдаа дахин таарах ерөөл өргөе ээ! Ирж буй налгар дулаан цаг шигээ бие, дугуй хоёроо жаргаасан, клубын түүхэнд ховорхон тохиох нэгэн аялалын тэмдэглэл ийм болой.

Зураг 9. Өдрийн хоол. Туул голын хойд эрэг

Зураг 10. Хаана ч явсан унадаг дугуйтайгаа хамт

Оролцсон гишүүд

бахархлын тэмдэг
туулсан замын урт
оролцсон аяллын тоо
оролцсон хоногийн аяллын тоо
оролцсон олон хоногийн аяллын тоо
УБ 240/24 марафоныг амжилттай дуусгасан тоо
Долоон давааны сорилго давсан тоо

Ц.Асрал М.Баярмөнх Т.Даваацэрэн Б.Энх-Ундрах Г.Нямхатан С.Баярсайхан З.Энхтулга А.Оргил Э.Сарангарав С.Бөхбат Б.Алтантулга Т.Батдөлгөөн Б.Батбуян Ч.Гомбосүрэн С.Лувсан Ж.Батдаваа Д.Ганболд Д.Бямбасүрэн С.Отгонбаатар У.Хосбаяр А.Отгонбаяр Н.Даваасүрэн Д.Ганбат Б.Сүхбат Г.Ёндонжамц Т.Ган-Очир Д.Мөнхнаст Ц.Наранхүү П.Батмөнх Б.Бадрах Д.Баасансүрэн Б.Баттөмөр Б.Жавхлантөгс Ж.Октябрь С.Мөнхбат Г.Махгал Д.Цолмон У.Одбаяр П.Золзаяа Б.Насанбат Э.Ожго