Улаанбаатар уулын дугуйн клубийн аялал

Аяллын талаарх нэмэлт мэдээлэл

Ой модон дунд байдаг давааны оройн бяцхан нарлаг чөлөөнд өдрийн хоол идэн, аяллын тухай амттай яриа сонсон амарч аялна. Гишүүд өөрсдийн гал тогоо, хоол хүнс, цэвэр усны нөөц, амарч суух сандал "ширээ"-гээ бэлдэж оролцоно.

Аяллын тэмдэглэл

Маш сайхан нэгэн аялал амжилттай зохиогдон группийн түүхэнд үлдлээ. УБ хотоос буйдхан орших тэр бүр хүний хөл хүрээд байдаггүй Зүүн Ацын давааны ойн цоорхой руу аяллын баг цуглах цэгээс цагтаа хөдөллөө. Майхан толгойн зуслан руу салдаг зам дээр хальтхан татаад амаа өгсөн жийсээр Дугуйчдын даваа хүрлээ.

Өвс ургамал ногоорон аргагүй зун цаг ирсэнийг сануулна. Харин салхи хүчтэй нь аргагүй баруун хойноос үлээж байв. Төд удалгүй ойрхон орших Зүүн Ацын даваа хүрч баг "отоглов". Өнөөдрийн аяллын зай харьцангуй богино бөгөөд дараагийн 7 хоногт явагдах УБ 240 аяллын өмнөх "ээлжийн амралт" маягтай зохиогдсон юм.

Гишүүн бүр хоол хүнсээ гарган, хийн тулгаа асааж нэг нэгнээ гэртээ бэлдэж ирсэн хүнс, хээрийн амтат хоолоор дайлж, дөрвийн зэрэг пот-д кофе нэрж аяллын тухай хөгжилтэй ярианд умбан, хамтдаа дуулж тун сайхан амарлаа.

Ялангуяа жижиг пийшинд өрдөх галын цогон дээр шарсан элэг сэмж, хонины өөх төмс энэ өдрийн хоолны оргил болон амтаараа гайхуулж байв. Нэг гишүүн маань аялагчийн Ногоон тэмдгийн болзол хангаж тэмдгээ гардан авлаа. Мөн групп-ээс зохиох олон хоногийн аяллын чиглэлийн талаар мэдээлэл хийв. Ийнхүү даваан дээр 13 цаг хүртэл амраад бид буцлаа.

Ирсэн замаараа цоглог жийсээр шууд Жигжид зуслан хүртэл салхи сөрөн "буудав". Дараагийн аяллаа амжилттай хийхийн ерөөл өргөн бүгдээрээ гэр гэрийн зүг жирийлгэн түгжрэлээс халширсан хотын замаар сэтгэл хангалуун жийж билээ.

Оролцсон гишүүд

• бахархлын тэмдэг
• туулсан замын урт
• оролцсон аяллын тоо
• оролцсон хоногийн аяллын тоо
• оролцсон олон хоногийн аяллын тоо
• УБ 240/24 марафоныг дуусгасан тоо
• Долоон давааны сорилго давсан тоо

Д.Цолмон

• 11773 км
• 111
• 23
• 3
• 2
• 0

Э.Ожго

• 28342 км
• 251
• 33
• 11
• 4
• 3

Т.Энхтөр

• 112 км дутуу
• 1147 км
• 14
• 0
• 0
• 0
• 0

Ж.Баярсайхан

• 1488 км
• 13
• 0
• 0
• 1
• 2

Д.Базаррагчаа

• 1594 км
• 15
• 1
• 0
• 0
• 2

Э.Дөлгөөн

• 1916 км
• 21
• 0
• 0
• 0
• 1

А.Отгонбаяр

• 3044 км
• 26
• 0
• 0
• 1
• 1

Н.Даваасүрэн

• 3416 км
• 30
• 0
• 0
• 2
• 2

Б.Элбэгзаяа

• 4022 км
• 36
• 0
• 0
• 2
• 1

Б.Сүхбат

• 4942 км
• 48
• 6
• 0
• 1
• 0

Т.Ган-Очир

• 7063 км
• 74
• 6
• 0
• 2
• 2

Ш.Мөнгөнсүх

• 7762 км
• 75
• 8
• 2
• 1
• 3

Б.Баттөмөр

• 9730 км
• 101
• 8
• 0
• 3
• 4

Ж.Октябрь

• 10885 км
• 122
• 0
• 0
• 0
• 0

Б.Жавхлантөгс

• 10956 км
• 105
• 11
• 1
• 2
• 3

Г.Махгал

• 11547 км
• 116
• 8
• 1
• 2
• 4

Бахархлын тэмдгийн болзол биелүүлсэн гишүүд

Тус аяллын үеэр дараах нэр бүхий гишүүд бахархлын тэмдгийн болзол биелүүлжээ.