Улаанбаатар уулын дугуйн клубийн аялал

Өдрийн аялал #136 - Төрхурахын ам

Веб хуудасны каноник хаяг

https://ubmbc.com/biking/273

Аяллын төрөл

Өдрийн аялал

Багийн хуваарилалт

Нэг баг

Замын урт

67 км

Давааны тоо

Өндөр авалт

499 м

Өндөр алдалт

-500 м

Их өгсөлт

8.4 %

Их уруудалт

-8.5 %

Оролцогчдын тоо

Эхлэх цаг

2023 оны 3 сарын 25 Бямба гараг, 9:00 Улаанбаатарын цагаар

Цуглах цэг

Дүнжингарав худалдааны төв

Цуглах цэгийн солбицол

47.905472, 106.948917
47°54'19.7"N, 106°56'56.1"E

Маршрут

Дүнжингарав - Амгалан - Баянзүрхийн товчоо - Хонхор - Төрхурахын ам

Мэдрэмж, хандлага

Надад өөр мэдрэмж, хандлага төрүүлж болно.

Сорилт

Намайг бие болон сэтгэлийн сорилт хүлээнэ.

Тэсвэр, тэвчээр

Би замд дураараа амрахгүй, зогсохгүй.

Эрсдэл

Надад ямар ч эрсдэл учирч болно.

Хувийн шийдвэр

Оролцох шийдвэрийг би өөрөө л гаргасан.

Хариуцлага

Би өөрийгөө хамгаалж, хооллож, тээвэрлэнэ.

Байдаг л үйл

Нэр хүнд олох, бусадтай өрсөлдөх талбар биш.

Жийлтийн эрчим

Бусдын сайн, муу жийх нь надад хүртээлгүй.

Тэгш байдал

Нас, ажил мэргэжил, алдар цуу хамаагүй.

Хамжаарга

Өөрийнхөө тухай ярих нь сонин бус.

Хувийн нууц

Бусдын тухай мэдэх шаардлагагүй.

Дэг журам

Клубийн дүрмийг ёсчлон дагана.

Аяллын тэмдэглэл

ТӨРХУРАХЫН АМ . Аялал ахласан Шар тэмдэгт гишүүн О.Адьяасүрэнгийн тэмдэглэл

Энэ бямба гаригт групп Сэлэнгэ аймагруу холын галт тэрэгтэй аялал зарласан тул уг аялалд явж амжихгүй гишүүддээ Улаанбаатар хот орчимд өдрийн аялал давхар зарласан билээ. Аялал ахлах үүргийг админ надад үлдээсэн болохоор маршрутаа судлан хаагуур эргэх, хаана татах, зам зуур содон тэмдэг юу байх зэргийг хэрэндээ л ажиглалаа. Энэ аялалд оролцох гишүүдийн бүртгэлийг харвал бас чиг туршлагатай гишүүд хэд харагдсанд санаа амрав.

Уг нь энэ чиглэлд групп энэ жил хоёр дахь удаагаа аялаж байгаа хэдий ч эхнийх нь битүү цастай дүн өвлөөр байсан бол харин энэ удаа саяхан шуурсан болоод энэ тэнд шаазгай алаг зүстэй адуу шиг цоохортох цастай хаврын эхэн сарын жихүүн салхитай өдөр таарсан тул өмнө нь аялж байгаагүй шинэ чиглэл шиг санагдаж байлаа. Аяллын замд өмнө нь туршлагатай аялагчийн “ирсэн замаараа буцахад л тэр нь тэс өөр шинэ зам шиг байдаг” гэж хэлж байсан нь өнөөдөр ёстой биелэж буй мэт санагдсан.

Ийнхүү миний хувьд анх удаа аялал ахлах болсон маань шинэ мэдрэмж, шинэ айдас, илүү хариуцлага мэдрүүлсэн олон анхдагчтай аялал боллоо. Аялалд бүртгүүлсэн 8 гишүүн замаа бүрэн дуусгаж 14 цаг 45 минутанд аялал дуусах цэгт ирснээр энэ бямба гаригийн аялал амжилттай өндөрлөсөн билээ.