Улаанбаатар уулын дугуйн клубийн аялал

Аяллын талаарх нэмэлт мэдээлэл

Группийн гишүүд болон уулын дугуйн аялал сонирхогчдыг УБ уулын дугуйн аялал группийн 2022 оны зуны хаалтын аялалд хамт жийхийг урьж байна.

Энэхүү аяллаар УБ уулын дугуйн аялал группийн 2022 оны жийлтийн хавар - зуны улирал өндөрлөнө. Үүнтэй холбогдуулан УУДАГ-ийн эхний хагас жилийн аяллуудыг нэгтгэн дүгнэнэ.

Аяллын хөтөлбөрт дараах зүйлс багтсан. Үүнд:

1. уул, даваа давж жийх
2. Баянзүрх уулаас Туул голын хөндийн үзэсгэлэнг тольдох
3. Туул голын эрэгт амарч тухлах
4. хөгжөөнт тоглоом тоглох

Уг аялалд уулын дугуйгаар байгальд аялах сонирхолтой, УБ уулын дугуйн аялал групптэй хамт жийх хүсэлтэй хүн бүр оролцох боломжтой бөгөөд аялалд хамрагдахын тулд группийн ёс журмын дагуу энэхүү веб сайтаар дамжуулан цахимаар урьдчилж бүртгүүлнэ.

Аяллын тэмдэглэл

Зүүн зүгт үүл хуралдан нар хаасан яг аялалд тохирсон өглөө боллоо. Цуглах цэгээс 07:57 цагт хөдлөн Баянзүрхийн гүүрээр гарч Сансар худалдааны төв дээр таталт хийн хүнсний хангалтаа хийгээд Ургах наран хотхоны хойд талд түр "салж" зарим нь Баянзүрх уулын оргил руу, хэсэг гишүүд шууд Суул даваа зорих зам руу жийж билээ. Манай баг 16 хүн (3 бүсгүй)-тэй байв.

Суул даваа дээр гарах дор үүлс шингэрч наран ээж эхлэв. Давааны орой тул сэвэлзүүр салхитай тун таатай байлаа. Баянзүрх уулын оргил зорьсон гишүүд зорилгоо биелүүлээд араас хагасхан цагийн зайтай гялалзтал жийгээд ирлээ. Аялагчийн шар тэмдгийн болзол хангасан гишүүнд тэмдгийг нь гардуулаад, Туул голын хөндий рүү уруудсан замд оров. Энэ замаар урьд нь групп явж байгаагүй юм. Огцом эргэлтээс доош зам нь чулуутай, товон овон бүхий байсан тул яахан аясаар явах билээ.

Туул голын татам руу орж, голын бага шиг салаа гаран бургас улиасан төгөлд буудаллаа. Манайхан хоол, цай хийж идэж ууж, усанд орж сайхан амрав. Хажуухан хойно Гацуурт суурин харагдана, хүрээд ир гэх шиг... Хоёр гишүүн гол хөндий руу явж гарам хайсан боловч энэ удаа Туул гол маань та нар ирсэн замаараа буцаарай гэж захих мэт усны түвшин нь нэмэгдсэн байлаа.

Амарч цайлаад ирсэн замаараа өгсөн Суул даваа хүртэл манайхан урамтайхан жийж, махийтал зүтгэсээр нэг амьсгаагаар гарлаа. Даваан дээр дурсгалын зурагаа даруулав. Даваагаа уруудан Ургах наран хотхон дээр ирж түр ундаадаж аваад, тэр эрчээрээ жирийтэл жийсээр Дүнжингарав худалдааны төвийн талбай хүрч дууссан юм.

Группийн зуны хаалтын аялал ийнхүү амжилттай боллоо. Зуны дэлгэр цагтаа сайхан амарч, аялаарай. Намрын нээлтийн аяллаар дахин баяртай уулзацгаая.

Оролцсон гишүүд

• бахархлын тэмдэг
• туулсан замын урт
• оролцсон аяллын тоо
• оролцсон хоногийн аяллын тоо
• оролцсон олон хоногийн аяллын тоо
• УБ 240/24 марафоныг дуусгасан тоо
• Долоон давааны сорилго давсан тоо

О.Отгонбаяр

• 1037 км дутуу
• 222 км
• 4
• 0
• 0
• 0
• 0

Ө.Цэрэнжаргал

• 1013 км дутуу
• 246 км
• 3
• 0
• 0
• 0
• 0

Г.Түмэнсайхан

• 1845 км
• 21
• 0
• 0
• 0
• 0

Б.Сүхбат

• 4942 км
• 48
• 6
• 0
• 1
• 0

О.Адъяасүрэн

• 5979 км
• 61
• 0
• 0
• 0
• 4

Д.Жамъяндорж

• 6427 км
• 59
• 11
• 1
• 0
• 2

Г.Бат-Оргил

• 6863 км
• 49
• 2
• 1
• 2
• 1

Ш.Мөнгөнсүх

• 7762 км
• 75
• 8
• 2
• 1
• 3

П.Батмөнх

• 8270 км
• 85
• 6
• 1
• 0
• 2

Б.Баттөмөр

• 9730 км
• 101
• 8
• 0
• 3
• 4

Ж.Октябрь

• 10885 км
• 122
• 0
• 0
• 0
• 0

Б.Жавхлантөгс

• 10956 км
• 105
• 11
• 1
• 2
• 3

Г.Махгал

• 11696 км
• 117
• 9
• 1
• 2
• 4

Д.Цолмон

• 11773 км
• 111
• 23
• 3
• 2
• 0

Э.Ожго

• 28342 км
• 251
• 33
• 11
• 4
• 3