Улаанбаатар уулын дугуйн клубийн аялал

Аяллын талаарх нэмэлт мэдээлэл

Товлосон өдрийн өглөө Жигжид зуслангийн уулзвар дээр цуглан, 10.00 цагт аялал эхэлнэ. Сэлбэ голын эх хүртэл автомашины замаар хойд зүг барин, Шарга морьт, Хуурай мухар, Баянбулаг, Хандгайт, Санзай, Бага Баянгийн амны адгаар хөндлөн гарч явна. Энэ чиглэлд хүйтэн салхи сөрөх магадлал их байдаг.

Сэлбэ голын эх нь торлог бут бүхий олон жижиг гол нийлсэн усархуу, намгархаг, байгалийн өвөрмөц тогтоцтой. Аяллын замд халиа тошин, мөс, ус шавар бүхий зурвас газрууд таарна. Хар мод, нарсан ойтой алсын өгсүүр бүхий уулын хяраар давж, уруудан ахин өгсөж Харгана хүрнэ. Энд өдрийн хоол цай идэж, уун амарч ирсэн замаараа буцах болно. Тухайн газрын хөрсний байдал, хуурайшлаас шалтгаалан бяцхан түүдэг гал өрдөх боломжтой. Засмал зам 41 орчим км, үлдсэн 29 км нь шороон зам байдаг.

Аялагч гишүүд тухайн өдрийн цаг агаар, Харгана орчмын замын байдалд тохируулан хувцсаа сонгоорой.

Аяллын тэмдэглэл

Цасан будрах гээд л агаарын даралт унасан бүрхэг өглөө боллоо. Алсад уулсын орой харагдах төдий бүүдийнэ. Хотоос гарахуй дор 32 тойрог дээр гэнэт тал талаас жийж ирэн 4-үүлээ болоод, шамдуухан жийсээр Жигжид дээр 9.30 цагт ирлээ. Долоон буудал өнгөрөөд автомашины зам цасанд дарагдсан байв. Эртэч гишүүдийн зарим нь ирчихсэн байв.

Яг 10.00 цагт хөдөллөө. Будрах цасан зогсож, салхи намдан, тэнгэрийн хаяа сиймийх нь удахгүй цэлмэхийн шинж дээ. Хоёр эгнээ болон бөөндөө урагшилсаар Хандгайт өнгөрөн, Санзайн дэлгүүр дээр таталт хийгээд, цааш явсаар Сэлбийн эх дээр ирэв. Араас хоёр гишүүн жийгээд ирэв. Бас хоёр гишүүн ирж буй сурагтай.

Сэлбийн эх рүү нэвтрэхүй хөвсгөр цасан, хүний мөр, овон товон ховилтой зам хүсэмжит андтайгаа ахин уулзах мэт танил уулс. Замын хажуугийн танил мод руу дөхөн очихуй зам цасанд дарагджээ. Өчигдөр шөнө орсон цасны зузаан 50 мм орчим байлаа. Хөрс нь харагдахгүй цасан нөмрөгтэй ховил бүхий замаар жийнэ гэдэг нэг бодлын зугаатай, хөдөлгөөний тэнцвэр хөгжүүлдэг ч эрсдэл гэж аюул бий. Залуус жийж, зарим нь түрж өгссөөр Харгана руу салах замын наад талын уулын магнай дээр гарч ирэв.

Багийн гишүүд энд түр саатан, цаашхи зам үзэхээр хоёр гишүүн алхлаа. Харганы зам цасанд хаагдсан байлаа. Энэ замаар олонтоо явж байсан тул цасан нөмрөг дор нуугдан отох гайтай (чулуу, модны үндэс, хонхор ховил гэх мэт) саадуудыг мэддэг билээ. Эндээс цааш Харгана 4 км орчим тул аяллыг энд ирээд зогсоохоор шийдэв.

Нарсан ой дунд бид үдлэн түүдэг галаа асаан тойрон суугаад, амтат хоол цайгаа ууж идэн, түүдгийн галд шарсан хиам, өвчүүний мах идэн хөгжилдөн ярилцаж билээ.

Дурсгалын зургаа авахуулан, түүдэг галаа 101 дуудсан мэт нам унтраагаад ирсэн замаараа уруудлаа. Цас мөсөн зам дээр хэд хэдэн гишүүд мэргэн буудагчид хальт мөлт "буудуулсан"-ыг эс тооцвол цас нь хайлсан хар замаар, жавхаатай жийсээр, цэлмэсэн тэнгэр, ээх наран дор, Жигжид дээр 14.00 цагт ирж аялал амжилттай дууслаа.

Манай баг 15 хүнтэй байв. Хүн бүхний ард өнөөдрийн аяллын зам тамгаа дарсан мэт нарийн өргөн, урт богино хар зураас зурайж дугуйчин биднийг улам гоё чимэглэсэн билээ.

Оролцсон гишүүд

• бахархлын тэмдэг
• туулсан замын урт
• оролцсон аяллын тоо
• оролцсон хоногийн аяллын тоо
• оролцсон олон хоногийн аяллын тоо
• УБ 240/24 аяллыг амжилттай дуусгасан тоо
• Долоон давааны сорилго давсан тоо

Privacy

• 930 км дутуу
• 329 км
• 4
• 0
• 0
• 0
• 0

Т.Энхбаяр

• 2573 км
• 24
• 0
• 0
• 1
• 3

Ш.Лазина

• 2963 км
• 30
• 2
• 1
• 1
• 2

Г.Гүндалай

• 4527 км
• 31
• 2
• 0
• 1
• 2

Д.Жамъяндорж

• 5813 км
• 53
• 9
• 1
• 0
• 2

О.Адъяасүрэн

• 5979 км
• 61
• 0
• 0
• 0
• 4

Ш.Мөнгөнсүх

• 7584 км
• 72
• 8
• 2
• 1
• 3

П.Батмөнх

• 8270 км
• 85
• 6
• 1
• 0
• 2

Б.Баттөмөр

• 9457 км
• 97
• 8
• 0
• 3
• 4

Б.Жавхлантөгс

• 10366 км
• 99
• 10
• 1
• 2
• 3

Ж.Октябрь

• 10738 км
• 120
• 0
• 0
• 0
• 0

С.Мөнхбат

• 10811 км
• 93
• 12
• 3
• 3
• 1

Г.Махгал

• 11142 км
• 111
• 7
• 1
• 2
• 4

П.Золзаяа

• 12447 км
• 114
• 21
• 4
• 1
• 1

Э.Ожго

• 27752 км
• 245
• 31
• 11
• 4
• 3