Өдрийн аялал #94 - БУРХАНТ ХОШУУ БУЮУ ХАВРЫН НЭЭЛТ 2021 ОН

Мэдрэмж, хандлага

Надад өөр мэдрэмж, хандлага төрүүлж болно.

Сорилт

Намайг бие болон сэтгэлийн сорилт хүлээнэ.

Тэсвэр, тэвчээр

Би замд дураараа амрахгүй, зогсохгүй.

Эрсдэл

Надад ямар ч эрсдэл учирч болно.

Хувийн шийдвэр

Оролцох шийдвэрийг би өөрөө л гаргасан.

Хариуцлага

Би өөрийгөө хамгаалж, хооллож, тээвэрлэнэ.

Байдаг л үйл

Нэр хүнд олох, бусадтай өрсөлдөх талбар биш.

Жийлтийн эрчим

Бусдын сайн, муу жийх нь надад хүртээлгүй.

Тэгш байдал

Нас, ажил мэргэжил, алдар цуу хамаагүй.

Хамжаарга

Өөрийнхөө тухай ярих нь сонин бус.

Хувийн нууц

Бусдын тухай мэдэх шаардлагагүй.

Дэг журам

Клубийн дүрмийг ёсчлон дагана.

Аяллын тэмдэглэл

Тэнгэр цэлмэг, зөөлөн салхитай өдөр боллоо. Товлосон газраа цуглаж, 10.03 цагт аялал эхлэв. Айлуудаас алсхан зай авч нэргүй нэгэн булгийн тархины хажууд дугуйрч зогсоод дасгалаа хийлээ. Энэ жилийн хувьд замын шороо, цасны "найрлага" тун тохиромжтой байлаа.

Зураг 1. Удаан уулзаагүй андуудад хөөрөлдөх зүйл их бий

Хаврын наранд нуруугаа ээн, араас зөөлөн түлхэх салхины урсгалаар дэмжүүлэх нь аятай сайхан байв. Замдаа хоёрын зэрэг түр таталт хийгээд Бурхант хошуу дээр 12.25 цагт очлоо. Өдрийн хоол идэж, амраад ногоон, хөх, улбар шар аялагчийн тэмдгийн болзол хангасан гишүүдэд баяр хүргэж, тэмдэг гардуулав. Бас нийтээрээ эх нутгийн тухай дуу дуулсан. Мөн группийн зүгээс Хаврын нээлтийн аялалд оролцсон гишүүдийн энэ өдрийн зайг 100% нэмэж тооцохоор болсныг зарласан билээ.

Хаврын нээлтийн аялалд 9 шинэ аялагч групптэй нэгдэн аялсан юм. Манай зарим гишүүд араас ирж, баг 33 хүн (хоёр бүсгүй дугуйчин)-тэй боллоо. Буцах замдаа орж, Улиастай голын баруун, зүүн дэнжээр баг хоёр (зарим гишүүд Шархадын эцэст автомашинаа орхисон юм) хуваагдан, баруун өмнөөс салхилах сэвшээ салхи сөрөн жийсээр Дүнжингарав худалдааны төвийн талбай дээр 15.00 цагт ирж хаврын нээлтийн аялал амжилттай дууссан болно. Аяллын зай 64 (128 км) км.

Зураг 3. Сайн байна уу, Бурхант хошуу минь. Бид ирлээ

УШТГ Д.Мөнхнаст (088) энэ өдөр "завгүй" жийж, аяллын явцын зураг авах, аяллын цуваагаа цоожлох давхар үүргийг тун хариуцлагатай гүйцэтгэснийг онцлон тэмдэглэж, баяр хүргье. Групп-т нэгдэн аялсан П.Батбуян, Ч.Гомбосүрэн, Э.Амарболд, С.Мөнхбат, Г.Баярмагнай, Г.Махгал (хоёр дахь удаа), Ш.Мөнгөнсүх, Б.Баттөмөр, С.Энхбат, С.Даваадарь болон багийн нийт хамт олонд халуун талархал илэрхийлье. Зүгээр л жий.

Оролцсон гишүүд

бахархлын тэмдэг
туулсан замын урт
оролцсон аяллын тоо
оролцсон хоногийн аяллын тоо
оролцсон олон хоногийн аяллын тоо
УБ 240/24 марафоныг дуусгасан тоо
Долоон давааны сорилго давсан тоо

Г.Баярмагнай С.Даваадарь С.Энхбат П.Батбуян Ч.Гомбосүрэн Д.Ганзориг Э.Амарболд Э.Даваасүрэн Ч.Базар Д.Гантөмөр О.Тэмүүлэн О.Дарьхийхүү Н.Даваасамбуу Ц.Гантулга Д.Сонинбаяр Ч.Азжаргал Г.Ёндонжамц М.Урсгал Д.Мөнхнаст Ш.Мөнгөнсүх Т.Баярсайхан С.Бадрал Б.Бадрах Г.Ганбаяр Б.Баттөмөр Privacy Ч.Мажигсүрэн Ж.Октябрь Privacy Privacy С.Мөнхбат Г.Махгал Э.Ожго