Улаанбаатар уулын дугуйн клубийн аялал

Аяллын тэмдэглэл

Нартай намрын өглөө байлаа. Хотоос жийсээр Жигжид зуслан дээр ирэхэд зарим аялагч нар ирсэн байв. Өнөөдрийн аяллын бүх оролцогч нар хотоос жийж ирлээ. 9.20 цагт аялал эхлэв. Манай баг 11 хүнтэй байлаа.

Хоёр эгнээн болон жигд жийсээр Сэлбэ голын эхийн амралт зугаалгын газар орж татлаа. Баянгийн амнаас хойш зам засварын ажил хийж байгаа тул автомашины хөдөлгөөн бага байв.

Намрын таашгүй янз олон өнгөөр Сэлбэ голын хөндий гоёсон байлаа. Шавар, устай замаар явсаар Мухарын даваа дээр 10.35 цаг гарав. Зарим гишүүд шавартай замд зөөлөн газардах, тэнцвэр алдах тохиолдол байлгүй яах вэ. Даваа уруудан ой модон дундуур жийсээр задгай амын уруу уруудлаа. Хүйн голын хөндий рүү орж, голоо өгсөн жийсээр 12.20 цагт харууцтай энгэр газар буудаллаж, өдрийн хоол идэв.

Тэнгэр үүлсээр бүрхэж, баруун талаас борооны үүл хуйларч байв. Гүнтийн даваа руу чиглэх засмал замаа хөндлөн гарч Шижир суурин дайрч, Тахилтын даваа өөд "салхи нь үгүй" уужим өгсүүрт махийтал жийсээр даваа дээр 14.30 цагт эхний хүн гарлаа. Дархан хот руу явж уралдсан гишүүдээс мэдээ сонсох гэж бүгд л ярилцаж суулаа. Урамтай уруудан жийсээр Тахилт суурин хүрч кола-даад хотын зах руу 15.40 цагт орж аялал амжилттай дууслаа. Аяллын зай 101 км. Замын ангилал III.

Аяллын баг хамт олондоо талархал дэвшүүлье. Зүгээр л жий.

Оролцсон гишүүд

• бахархлын тэмдэг
• туулсан замын урт
• оролцсон аяллын тоо
• оролцсон хоногийн аяллын тоо
• оролцсон олон хоногийн аяллын тоо
• УБ 240/24 аяллыг амжилттай дуусгасан тоо
• Долоон давааны сорилго давсан тоо