Улаанбаатар уулын дугуйн клубийн аялал

Аяллын талаарх нэмэлт мэдээлэл

Группийн түүх: Энэ сараас эхлэн группийн аялагчийн тэмдэгтэй гишүүдийн аяллын зайгаар эрэмбэлсэн "ЦАГААН ЦОМОГ"-ыг тооцон (Зураг 6) гаргаж, нүүр номд нийтэлж эхэлсэн юм. Энэ онд эрэгтэй, эмэгтэй гишүүдийн Рейтингийн хуудас (2018 оны сүүлээс гарч эхэлсэн)-ыг давхар хийсэн болно. Цаашид энэ хуудас гарах шаардлага үгүй болсон билээ.

Аяллын тэмдэглэл

УШТГ С.Бадрал

Цэлмэг, нартай тунгалаг өглөө боллоо. Манай группийн 25 дугуйчин аяллын замдаа 8.10 цагт гарав. Орбитын уулзвараас баруун зүг салж толгой ороон Тахилтын амын уужим өгсүүр рүү оров. Бүгчим өдөр болох төлөвтэй. Даваа хүрэх замд нэг гишүүний дугуй 3 удаа хагарлаа. Тахилтын даваа дээр 10.00 цагт гарав. Нэг давлаа.

Даваа уруудан жирийсээр уулын хошуу ороон бараг л ирсэн зүг рүүгээ чиглэн Шижирийн давааны огцом өгсүүрт зүтгэсээр 10.51 цагт даваа дээр гарав. Хоёр давлаа.

Даваа уруудах замд нэг гишүүний дугуйны арал хугарав. Засмал зам дээр очиж 8 гишүүн А чиглэлээр УБ хот (64 км) руу буцлаа. Хоёр гишүүн хотод ажилтай, нэг гишүүний обудны дамар эвдэрсэн.

Найрамдалын хойд талын давааны ой модтой, шавартай замаар өгсөн жийсээр даваа дээр 12.21 цагт гарлаа. Гурав давлаа. Эндээс дугуйны арал нь хугарсан гишүүн (74 км) буцав.

Үлдсэн 16 дугуйчин Шижир баг хүрч, дэлгүүрийн гадаа амсхийгээд Зүүн Ацын даваа руу жийж, 15.00 цагт гарав. Дөрөв давлаа. Уулын ам өгсөн жийж байхад салхи үгүй, бүгчим байлаа. Мөн техникийн саатал их гарч нийтдээ 6 дугуй хагарсан.

Зүүн Ацын даваа уруудан бас л уулын хошуу ороон Халзангийн амны дуусашгүй урт өгсүүрт жийж Хадлангийн даваа руу зорив. Наад талын овоотой хяр дээр түр татаад цаашлан даваа дээр 16.30 цагт гарав. Тав давлаа.

Санзай хүрч засмал замаар уруудан Жигжид зуслангийн уулзвар хүрч хоол идэж тавтайхан амрав. Эндээс 3 гишүүн УБ хот руу явлаа. Нэг гишүүний дугуйны ац хугарсан. Багийн 13 дугуйчин Гүнтийн даваа руу шууд л өгслөө, даваа дээр 18.40 цагт гарч шуурхайхан Зургаа давчихаад, зогсолгүй уруудан тэр чигээрээ Шижир багаар дайрч Толгойтын давааны шороо чулуутай замаар жийсээр 19.45 цагт гарлаа. Долоо давлаа.

Толгойтын баруун салаагаар уруудан Баянхошууны тойрог дээр 21.10 цагт ирж аялал албан ёсоор дууссан болно. Аяллын зай 125 км. Замын ангилал 3А.

Баг хамт олныг удирдан, төлөвлөсөн чиглэлээр амжилттай аялсан Ногоон тэмдэгтэй гишүүн С.Бадрал (177) болон багийн нийт хамт олонд халуун талархал дэвшүүлье. Энэ аяллын чиглэл нь манай группийн аяллын түүхийн нэгэн содон хуудас болон үлдэж байна. Та нартаа маш их баярлалаа. Зүгээр л жий.

Сорилго давагсад

• сорилго давсан тоо

Бахархлын тэмдгийн болзол биелүүлсэн гишүүд

Тус сорилгын үеэр дараах нэр бүхий гишүүд бахархлын тэмдгийн болзол биелүүлжээ.