Улаанбаатар уулын дугуйн клубийн аялал

Аяллын тэмдэглэл

Гүнтйин даваагаар ахин давж, нэвт уруудаад, Хүйн голын хөндий өгсөн Шижир багаар дайрч, Шижирийн даваа даван Найрамдал зуслан хүрэх чиглэлийн зам судалж жийхээр өглөө 10 цагт гэрээс гарав. Группийн гишүүн Э.Ижилмөрөн (013) дүү таньтай хамт судалгааны аялалд оролцоно гэж санаачлага гарган, Сансарын хойд талын ШТС-ын талбайд уулзан жийлээ.

Дарь эхийн замаар жийж явахад нойтон цас будран, зам устай байлаа. Удалгүй хойд дугуйнаас цацагдсан ус бид хоёрыг шүршсээр байгаад Шадивлан зуслан өнгөрөх үед бид хоёрын "доод эд анги" нэлээд норж хүндэрсэн байлаа.

Жийсээр Гүнтийн даваа дээр гарав. Доош шалчигнуулан уруудсаар, засмал зам дээр жийх гэтэл хүрд, араа, гинж хөлдөн мөсөн бүрхүүл болжээ. Мөн хоёулааа мэдэгдэхүйц норж, өмссөн хувцас нимгэдэж байгааг мэдэрлээ. Ийм маягаар цааш хоёулаа явж болохгүй нь ойлгомжтой тул хамгийн ойр Толгойтын даваа руу өгсөж яваад буугаад түрлээ. Алхахад удахгүй дулаацаж, бие халаад сайхан боллоо. Толгойтын баруун салааны шавартайхан зам уруу уруудан орох мөчид хөлдсөн дугуй гэсэж, араа шүд гинж эвэндээ орж ажиллаж эхэлсэнээр УБ хотод ирсэн юм.

Өнөөдөр цаг агаар нь тохиромжгүй байлаа. Дараагийн Бямба гаригт Гүнт, Шижирийн давааны аяллаа төлөвлөхөөр шийдсэн юм.

Оролцсон гишүүд

• бахархлын тэмдэг
• туулсан замын урт
• оролцсон аяллын тоо
• оролцсон хоногийн аяллын тоо
• оролцсон олон хоногийн аяллын тоо
• УБ 240/24 марафоныг дуусгасан тоо
• Долоон давааны сорилго давсан тоо

Э.Ижилмөрөн

• 2450 км
• 23
• 1
• 0
• 1
• 0

Э.Ожго

• 28342 км
• 251
• 33
• 11
• 4
• 3